Wafa Ke Qaid Khanon Main Sazaain Kab Badalti Hain...
Badalta Dil Ka Mausam Hai Hawain Kab Badalti Hain...
Libadha Orh Kar Gham Ka Nikal Jate Hain Sehra Ko...
Jawab Aye Ke Na Aye Sadaaain Kab Badalti Hain....
Saron Per Dhoop Hai Ghum Ki Dilon Main Wehshatain Kitni..
Hamare Dil Ke Sehra Ki Fizzaian Kab Badalti Hain...
Meri Sari Duain Tum Se Hi Mansoob Hain Sajan...
Mohabbat Ho Agar Sachi Dua'ain Kahan Badalti Hain...
Koi Pa Kar Nibhata Hai Koi Kho Kar Nibhata Hai..
Na'ay Andaaz Hotay Hain Wafain Kab Badalti Hain...
Gunahon Ko Hamara Aik Malik Hi Bakhshta Hai...
Ata'a Uski Purani Hai Khata'ain Kab Badalti Hain...!!~