Hijr Mausam Main Yeh Barish Ka Barasna Kaisa...
Ek Sehra Se Samander Ka Guzarna Kaisa?

Ay Mere Dil Na Pareshan Ho, Tanho Ho Ker...
Wo Tere Sath Chala Kab Tha, Bicharna Kaisa..?

Log Kehte Hain Gulshan Ki Tabahee Dekho...
Main Tu Veeran Sa Jungle Tha, Ujarna Kaisa..?

Dekhne Main Tu Koi Dard Nahi, Dukh Bhi Nahin...
Phir Ye Ankhon Main Yon Ashkon Ka Ubharna Kaisa..?

Bewafa Kehne Ki Jurrat Bhi Na Karna Usko...
Us Ne Iqrar Kia Kab Tha, Mukarna Kaisa..??

Khawab Khoday Tu Teri Yad Ke Khandar Niklay...
Kudh Main Doobay Tu Teri Zaat Ke Ander Niklay...

Bay Wajah Na Thi Bay-Jan Baton Ki Chahat...
Dil Jo Toota Tu Tere Payar Ke Mandir Niklaay..

Ham Tu Samjhay Thay Honge Yeh Do Chaar Aansoo...
Ronay Bhaithay Tu Samander Ke Samander Niklay...

Lamha Lamha Tere Wajood Main Basar Hota...
Khoob Hota Jo Main Teri Rooh Ka Mehwar Hota...

Teri In Jheel Si Ankhon Main Maira Ghar Hota...
Teri Ankhain Jo Dektin, Tere Ishq, Tere Sabr Ka Samar Hota...

Kia Khoob Hota Jo Main Teri Rooh Ka Mehwar Hota..
Kash Lamha Lamha Tere Wajood Main Basar Hota..

Each Drop of a TEAR is costly than anything in World..
But..
No one knows its value until they have it in their own eyes for someone..!!

Ye Akaile Pan Ki Udasian, Ye Firaq Lamhe Azaab Se...
Kabhie Dasht-e-Dil Pe Bhi Aa Rukhain Teri Chahton Ke Qafilay...
Main Hon Tujh Ko Jaan Se Aziz Tar..
Main Ye Kaise Maan Lon Hamsafar...
Teri Baat Lagti Hai Weham Si..
Tere Lafz Lagte Hain Khawab Se..
Ye Jo Mera Rung Hai Roop Hai, Yonhi Be-Sabab Nahi Dosto...
Maire Khushbooan Se Hain Silsilay..
Mairi Nisbatain Hain Gulaab Se...
Wohi Mo'tabar Hai Maire Liye...
Wohi Hasil-e-Dil-o-Jaan Hai...
Wo Jo Baab Tum Ne Chura Lia, Meri Zindigi Ki Kitaab Se..!!

Be-Faida Hai Zeest Main Ahbaab Ka Hujoom..
Ho Pekar-e-Khaloos Tu Kafi Hai Aik Shakhs..!!

Hum Yousaf-e-Zamaan Thay Abhi Kal Ki Baat Hai..
Tum Hum Pe Meharban Thay Abhi Kal Ki Baat Hai..
Woh Din Bhi Thay Ke Hum Hi Tumhari Zubaan Per Thay..
Mozoo-e-Dastan Thay Abhi Kal Ki Baat Hai..
Ay Karwan-e-Inqilab Tum Ko Yaad Ho..
Hum Meer-e-Karwan Thay Abhi Kal Ki Baat Hai..
Jin Doston Ki Kami Hai Aj Hayat Main..
Woh Apne Darmiyan Thay Abhi Kal Ki Baat Hai..
Kuch Hadson Se Gir Gaye Meer Zameen Per..
Hum Rushk-e-Asmaan Thay Abhi Kal Ki Baat Hai..!!

Hum Wo Bad-Naseeb Hain Mohsin Ke Sheher Main..
Kholain Dukan Kafan Ki Tu Log Marna Chor Dain..!!!