Hum Yousaf-e-Zamaan Thay Abhi Kal Ki Baat Hai..
Tum Hum Pe Meharban Thay Abhi Kal Ki Baat Hai..
Woh Din Bhi Thay Ke Hum Hi Tumhari Zubaan Per Thay..
Mozoo-e-Dastan Thay Abhi Kal Ki Baat Hai..
Ay Karwan-e-Inqilab Tum Ko Yaad Ho..
Hum Meer-e-Karwan Thay Abhi Kal Ki Baat Hai..
Jin Doston Ki Kami Hai Aj Hayat Main..
Woh Apne Darmiyan Thay Abhi Kal Ki Baat Hai..
Kuch Hadson Se Gir Gaye Meer Zameen Per..
Hum Rushk-e-Asmaan Thay Abhi Kal Ki Baat Hai..!!