Dar-e-Fana Main Naqsh-e-Baqa Chor Jaon Ga..
Main Apne Baad Apni Sada Chor Jaon Ga..
Hain Aur Bhi Chaman Meri Khushboo Ke Muntazir..
Main Is Chamman Ko Misl-e-Saba Chor Jaon Ga..
Don Ga Kai Kanton Ko Payam-e-Shaguftagi..
Gulshan Main Ik Husn-e-Ada Chor Jaon Ga..
Le Jaon Ga Main Apni Wafa Ko Bhi Apne Sath..
Aur Un Ke Pass Yaad-e-Wafa Chor Jaon Ga...
Jo Maire Dil Per zakhm Lagate Rahay Saada..
Main UN ke Wastay Bhi DUA Chor Jaon Ga..!!