Ye Jo BayRukhi Hai Baja Nahin...
Ye Adaain Kyun..
Ye Guroor Kia...
Ye Guraiz Kis Liye Is Qadar...
Ye Khafa Khafa Se Hazoor Kia..
Tujhay Yad Karna Mazaq Tha...
Tujhay Bhool Jana Azaab Hai..
Ye Saza Hai Jurm-e-Firaq Ki..
Meray Hafizay Ka Kasoor Kia..
Tere Sath Hai Jo Teri Anaa..
Mere Sath Mera Naseeb Hai...
Mujhay Tujh Se Kaisi Shikayatain...
Tujhay Kudh Pe Itna Guroor Kia..
Koi Khawab Tha Ke Saraab Tha..
Jo Guzar Gaya So Guzar Gaya..
Ye Baseeraton Ka Kasoor Kyun..
Ye Basaraton Ka Fatoor Kia..
Ye Tumhara Chehra Kitaab Hai..
Issay Parraha Hon Warq Warq..
Zara Baat Sada Likha Karo...
Yeh Muhawaron Ki Satoor Kia..
Dil-e-Kudh Pasand Sada Na De...
Ke Ye Ik Sadaaon Ka Dasht Hai..
Kahin Kho Gay Hain Jo Bheer Main..
Hamaain Dhoondna Hai Zaroor Kia..
Sabhee Phool Tere Naseeb Main...
Sabhee Khar Maire Hisaab Main...
Ye Saza Jaza Ka Tilsm Hai..
Mera Tera Es Main Kasur Kia..?